Festa fin de curso

O día 21 de xuño como remate de curso as nenas e nenos do Ceip de San Clodio e os profes puidemos compartir  coas familias e amigos unha xornada de festa no Salón de Actos do concello na que ofrecemos as seguintes actuacións:

“ Ven conmigo”- infantil
“Fósiles”- 1º grupo
Banda sonora“ Star Wars”- 2º grupo

“La amenaza fantasma”- todos os grupos

Teatro do 2º grupo:
 “ Os cirurxáns cortan polo sano”

Ademais de facer a entrega de diplomas aos nenos de 6º de infantil que este ano rematan a súa etapa.

Contacontos pola igualdade

O día 13 de xuño veu ata o noso centro Teresa Grau para ofrecernos unha sesión de contacontos naque puidemos disfrutar duns fermosos contos cos que podemos afondar na nosa fromación como presoas respetuosas e aprender o valor de traballar pola igualdede de xéneros e as vantaxes que iso nos ofrece para desenvolver personalidades equilibradas e desenvolvernos como persoas con actidudes e valores positivos.

VISITA DO CLUB DE LECTURA DO IES DE QUIROGA

o día 11 de xuño, achegáronse ata a nosa escola as rapazas e rapaces do clube de lectura do IES de quiroga aos que recibimos na nosa biblioteca, para facernos unha lectura de contos ás nenas e nenos de infantil e primeiro de primaria, estabamos moi contentos porque nos trouxeron os nosos contos favoritos e quedamos encantados coa ben que saíu esta actividade.
Moitas grazas pola vosa visita.

CHARLA SOBRE O OSO PARDO

O día 6 de xuño recibimos no cole a visita de Ana unha experta en osos pardos, que nos veu a contar unha chea de curiosidades sobre os osos pardos que están de novo extendéndose pola nosa zona nas montañas do Courel e que nos trouxo ademais uns conchos e algúns castiñeiros, que son algúns dos alimentos favoritos destes animais, para plantar na escola e que se nos nacen e medran temos previsto levalos no vindeiro curso ao monte para que se poidan alimentar os osos que nos visiten.

ENCONTRO DOS XEOPÍCAROS

O día tres de 3 xuño os de Primaria foron de ruta  cos seus profes. Con esta actividade na que se reuniron as nenas e nenos dos tres concellos, preténdese concienciar aos máis pequenos da importancia de coidar o seu entorno natural, co primeiro Encontro dos Xeopícaros das Montañas do Courel, que reuniu aos 240 alumnos dos respectivos centros educativos e que incluiu unhavisita guiada ao mirador xeolóxico de Campodola-Leixazós e unha ruta polo Xeoparque. Fixo bastante calor pero viñeron moi contentos cos seus agasallos e coa experiencia dunha ruta a pé compartida entre todos.

VISITA DOS SERVIZOS FORESTAIS

O día 3 de xuño as enenas e nenos de infantil puidemos disfrutar da visita do servizo forestal de extinción de incendios de Monforte de Lemos, que se achegaron ata a nosa escola para  darnos unha charla na que aprendemos moito sobre aimportancia de manter vivos os nosos bosques. Tamén nos ensinaron cales son as súas ferramentas de traballo, os seus traxes e  nos permitiron probalos, suxeitar as amngueiras e conducir os camións motobomba. Pasámolo en grande e quedamos encantados coa experiencia.

LETRAS GALEGAS 2019

• Nas semanas previas ao 17 de maio na nosa escola estivemos a traballar para familiarizarnos co autor homenaxeado este ano no Día das Letras Galegas, ANTÓN FRAGUAS e a súa obra con actividades como:
  
• - Divulgación e promoción da figura deste autor a través da elaboración dun mural ao que adeamis engadimos unhas tarxetiñas coas nosas palabras favoritas en galego.
  
• - Exposición de paneis coa vida e obra do mesmo que nos serviron de base para algunhas  actividades  nas aulas. 
  
  
  
  
  

O NOSO HORTO NA PRIMAVERA

E como non podía ser doutro xeito seguimos coas tarefas de plantación, regadío e outros coidados no noso horto, no que neste momento xa nos están medrando as fabas, os tomates, as cebolas, as leitugas, acelgas, framboesas, cabaciñas e cabazas. Tdodo iso grazas ao esforzo de todos e á grande axudas das familias que nos están apoiando día a día neste proxecto.

Esta actividade é moi importante para nós porq que nos permite facer moitas tarefas que nos conectan coa natureza, entender mellor o mundo no que vivimos, coñecer e cultivar  unha pequena parte do que comemos e aprender así alimentarnos de xeito máis equilibrado e san.

OBRADOIROS DE EXPERIMENTACIÓN

Neste terceiro trimestre na aula de educación infantil estamos a traballar cun proxecto de investigación no que investigamos os volcáns, así ademais de traballar aspectos de lectura, escritura, lóxica e matemática tamén podemos aprender através de experimentos como o que nos levou a elaborar o noso propio volcán na aula e facelo erupcionar. Isto supuxo todo un reto que nos converteu en científicos por uns intres e nos producíu unha garnde expectación e ledicia ao velo en acción.

OBRADOIROS POLA IGUALDADE

SEMENTANDO VALORES, RECOLLENDO IGUALDADE.

O día 30 de maio leváronse a cabo no noso cole tres obradoiros diferentes, para tballar co noso alumnado a temática da igualdade de oportunidades entre mulleres e homes. Coa finalidade de favorecer o seu desenvolvemento dun xeito equilibrado entre os dous xéneros a xudar así a superara os moitos extereotipos seuais que ainda perduran no noso entorno. Asía as nenas e nenos
 traballon conceptos con esta temática dun xeito lúdico e divertido para eles.

Excursión de fin de curso

como cada ano para despedir o curso marchamos todos xuntos de excursión, este ano achegámonos a Ocero en León para disfrutar con Binatur dunha xornada de multiaventuras en contacto coa natureza, na que garndes e pequenos disfrutamos do día enteiriño e nos quedaron moitas gañas de repetir.
E ademais desta vez non se nos esqueceron nin os bocatas!.

LETRAS GALEGAS

Con motivo da celebración desta data tan especial para nós leváronse a cabo disitintas actividades no centro, dende un concerto didáctico, ata a elaboración de murais, un xogo de elaboración de tarxetas coas palabras galegas favoritas de cada un de nós e otraballo coa cartelería que nos achegan cada ano dende a Xunta de Galicia e distintas fichas e traballos arredor da figura de Antonio Fraguas o autor homenaxeado este ano. Para coñecer un anaquico mellor a unha das figuras que tanto aportou á nosa cultura galega.

CONCERTO DIDÁCTICO

Pablo Carpìntero foi o encargado de darnos a coñecer diferentes instrumentos musicais galegos.  Para iso fixo que as nenas e nenos os seus profes e a familias que se achegaron ata o salón de actos do concello puidesen facer unha viaxe incrible dende os albores do desenvolvemento humano e a aparición da música ata os nosos días, e para todo iso so tivo que facer soar distintos instrumentos musicais, deste xeito realizou un excelente percorrido ao longo da evolución da humanidade e a historia da música. Disfrutamos e aprendemos todas e todos un montón.

CHARLAS DE EDUCACIÓN SEXUAL

Dende o servizo de da Deputación de lugo ofrecéusenos a oportunidade de imaprtir no noso centro varias charlas fromativas para as nenas e nenos de 5º e 6º de primaria na que puideron achegarse da man dun experto a diferentes aspectos da sexualidade humana e do desenvolvemento dos rapaces e rapazas na adolescencia, na que eles mesmos están a punto de entrar.  O obxectivo principal é chegar ao alumnado destes cursos para mostrar a diversidade sexual, fomentando e promovendo a igualdade en idades temperás, dunha forma madura, responsable e sen prexuízos.

Así é que ao noso centro chegou o Dr. Miguel Rodríguez Piñán, médico experto en sexoloxía para impartir as charlas aos nenos e nenas e intentar alcanzar nestas idades unha educación sexual axeitada e que se vexan resoltas as dúbidas que poidan xurdir.