A HORTA É VIDA

As nenas e nenos de infantil estamos neste trimestre inmersos nun Proxecto de investigación sobre diversos aspectos sobre como é o funcionamento dun Horto Escolar. E así foi como nos xurdíu a idea de elaborar un mural para a entrada da nosa escola que recolla a diversidade de especies vivas e as necesidades e características a destacar que todo horto necesita. deste xeito descubrimos que todo no horto está repleto de vida. Dende o chan, o aire e como non as plantas que nel se atopan.

Aquí vos ensinamos o fermoso que nos quedou.

PROXECTO DE COMPOSTAXE

O luns 18  achegouse ata a escola David, un técnico ambiental experto na elaboración de compost, que nos axudou a montar os composteiros no horto e a poñer en marcha o proxecto de compostaxe no que o Ceip de San Clodio participa xunto con outros colexios de todo Galicia. Ademais ensinounos a facer compost utilizando as peles das froitas que comemos nos recreos, os restos orgánicos da nosa cociña, as follas secas das árbores do patio.... e puidemos ademais utilizalo compost para plantar a semente dunha árbore que levamos logo para a casa e que deberemos coidar para que medre pronto.
Deste xeito participamos ademais na Semana Europea da Prevención de Residuos.

TEATRO EN LUGO

O 11 de novembro marchamos de visita a Lugo, para disfrutar dunha obra de teatro no Auditorio Municipal Gustavo Freire. A primeira hora da mañá collemos o bus para ir a ver a Obra de tetro "Radio Pirata",  logo comemos uns bocatas e disfrutamos dun anaco de xogo libre no Parque cuberto no paseo fluvial do río Miño.

TÍTERES NO CONCELLO

o día 8 de novembro tivemos unha sesión de títeres no salón de usos multiples grazas á colaboración do concello de Ribas de Sil, foi unha actividade de animación á lectura que nos ofreceron o grupo Trécola, moi divertida e formativa ao mesmo tempo.

SEMENTEIROS DE PEREXIL

Estamos no mes de novembro, este ano un mes no que chove a chuzos e a diario, o que dificulta un pouco as nosas labores no horto, pero ainda así nós seguimos traballando e esta semana tocou facer sementeiors de perexil, así mercamos a sementes, observámolas, aprendemos cales son as necesidades de luz solar, auga e temperatura desta planta,  puxémolas na terra ao quentiño e logo de regalas colocámolas xunto a fiestra da nosa clase. Agora toca agardar a que xerminen.

SAMAIN

 Chegamos á última semana de outubro, na que festexamos o día da Bilioteca e o Samaín- Halloween, nesta ocasión elaboramos uns marcapáxinas terroríficos.....

inventamos contos de medo traballando en equipo .....

Decoramos cabazas medorentas....

e tivemos xogos e disfraces aterradores rondando todo o día pola escola.

Moi ben o pasamos!

OS BOLECHAS NA ESCOLA

O luns 21 de outubro pasou pola nosa escola Braulio un dos irmáns Bolechas, para gravar un programa da serie de Brauliotubers, que se emitirá dentro dunhas semanas. así tamén aprendemos como se grava un programa de video, xa estamos desexando vernos na pantalla.

ENTENDENDO QUE É A POLÍTICA

O día 17 de outubro achegámonos ata o concello para coñecer de primeira man que é, como funciona a política, e como influe en nós e noso entorno as decisións que se toman cada día nos concellos e outros órganos de goberno. Contamos para iso coa inestimable colaboración dos funcionarios e o persoal do concello, os concelleiros Roberto de Rosi e o noso Alcalde Miguel Sotuela. A todos eles queremos agradecerlles o seu ben facer, nunha xornada na que ademais de aprender moitas cousas novas e interesantes nos divertimos moito. Coñecer as nosas isntitucións fainos a todos un pouco máis abios e tamén máis responsables.

OBXECTIVOS DE DESENVOLVEMENTO SOSTIBLE

O 16 de outubro tivemos a sorte de poder contar coa colaboración de Alfredo, o papá de Xurxo que nos veu a falar dos Obxectivos de Desenvolvemnto sostible que será necesario alcanzar nos vindeiros anos se queremos mellorar as condicións de vida de todas e todos os habitentes do noso planeta, esta actividade foi levada a cabo co voluntariado e a colaboración de Iberdrola.

MATEMÁTICAS CON TOMATES

Nesta ocasión achegámonos ao horto para recoller xa os derradeiros tomates deste ano, e aproveitamos para levalos á aula para pesalos, medilos e clasificalos según o seu grao de maduración. Foi unha expereincia moi enriquecedora e que nos deu moito xogo. Estamos encantados co noso horto, sempre é unha fonte de actividades motivadoras e gratas sorpresas.

FROITOS DE OUTONO

Coa chegada do outono chega tamén o tempo de coñecer, probar e aprender os nomes dos froitos que nos ofrecen as árbores do noso entorno, así aproveitamos ademais para facer unha actividade máis de lico matemática e outra de lectoescritura dun xeito que resulta moi motivador para as nosas nenas e nenos a través destes produtos que nos ofrece a natureza.

SELECCIÓN DE SEMENTES

 Chegado o mes de outubro chega tamén o tempo de recoller as sementes das cabaciñas que sementamos no mes de abril no invernadoiro, logo traslantaramos ao horto e que poidemos reclectar en setembro. Son estas as sementes que gardaremos para sementar na vindeira primavera no noso horto. Así completaremos o ciclo da vida dunha planta e poderemos comprobar cal é o proceso natural completo no seu desenvolvemento. Xa que comprobalo na vida real é moi importante, pois resulta moito máis motivador e quedará grabado nas nosas mentes por máis tempo con maior facilidade que se so o estudamos nos libros.

VISITA AO XEOPARQUE

O 26 de stembro fixemos a primeira sída deste curso ao Xeoparque Montañas do Courel, para achegarnos a unha das rutas máis fermosas do concello de Ribas de Sil, que permite chegar ata a Cubela. Coa compañía de membros do Concello de Ribas de Sil, da Deputación e un experto arqueólogo que nos foi explicando as fermosas historias que nos contan a spedras e paisaxes desta zona tan querida para todos nós. Foi un día moi fermoso e que disfrutamos un montón todos xuntos.